23 кастрычніка, Мінск /Кар. БЕЛТА/. У пачатку лістапада Беларусь наведае тэхнічны дэлегат Міжнароднага саюза біятланістаў (ІБУ), які правядзе інспектарскую праверку гатоўнасці Рэспубліканскага цэнтра алімпійскай падрыхтоўкі (РЦАП) па зімовых відах спорту "Раўбічы" да правядзення чэмпіянату свету-2015 па біятлоне сярод юнакоў і юніёраў. Аб гэтым расказаў на пасяджэнні рабочай групы старшы трэнер нацыянальнай каманды Беларусі па біятлоне і развіцці віду спорту Юрый Альберс, паведамілі БЕЛТА ў прэс-службе Міністэрства спорту і турызму.
Пасяджэнне рабочай групы па правядзенні чэмпіянату прайшло пад старшынствам першага намесніка міністра спорту і турызму Аляксандра Гагіева. На пасяджэнні абмяркоўваліся меры па падрыхтоўцы да спаборніцтваў, якія адбудуцца з 15 па 22 лютага 2015 года.
Былі размеркаваны абавязкі сярод членаў рабочай групы, у тым ліку па падрыхтоўцы спартыўных збудаванняў РЦАП "Раўбічы" да чэмпіянату, арганізацыі судзейства, фінансавым, медыцынскім, транспартным і іншых відах забеспячэння. Асаблівую ўвагу ўдзельнікі нарады ўдзялілі пытанням падрыхтоўкі беларускай каманды да форуму.
Як паведамляецца, паміж Беларуссю і ІБУ будзе падпісана Дэкларацыі аб правядзенні спартыўнага мерапрыемства.
Пн | Аўт | Сер | Чцв | Пт | Сб | Нядз |
---|