Падзеі, факты, анонсы
Фестываль праваслаўнай культуры пройдзе ў Полацку 9-16 лістапада
6 лістапада, Віцебск /Алёна Ціханава - БЕЛТА/. Фестываль праваслаўнай культуры "Кладезь" пройдзе ў Полацку з 9 па 16 лістапада, паведаміла карэспандэнту БЕЛТА галоўны спецыяліст аддзела ідэалагічнай работы і па справах моладзі Полацкага райвыканкама Валянціна Уласенка.
Арганізатары падрыхтавалі разнастайную духоўна-асветную праграму, мерапрыемствы якой будуць арганізаваны ва ўстановах адукацыі, культуры і медыцыны, аддзяленні дзённага знаходжання інвалідаў, вайсковых часцях, аддзеле ўнутраных спраў райвыканкама. Палачане і госці горада змогуць наведаць канцэрты і кінапаказы, пабываць на сустрэчы з пісьменнікамі, псіхолагамі, педагогамі, свяшчэннікамі.
Па традыцыі фестываль суправаджае аднайменная выстаўка-кірмаш. У Полацку яна размесціцца ў Палацы культуры ААТ "Полацк-Шкловалакно". У фестывальныя дні тут будуць праходзіць малебны аб здароўі перад абразамі з часцінкамі мошчаў святых апосталаў Пятра і Паўла, святога велікамучаніка Панцеляймона, Сімяона Верхатурскага. На выстаўцы будуць арганізаваны паказы лялечнага тэатра "Батлейка" і культурна-гістарычная экспазіцыя - "Скрыпторый" (майстэрня па перапісе рукапісаў у манастырах). Тут жа можна будзе набыць ручныя вырабы, зробленыя ў манастырскіх майстэрнях.
Праваслаўны фестываль "Кладезь" пачынае сваю гісторыю з 2008 года і за гэты час у яго правядзенні ўдзельнічалі больш як 60 гарадоў Беларусі.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
