Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

23 Чэр 2014

Фестываль нямога кіно пад адкрытым небам упершыню пройдзе ў Гродне

23 чэрвеня, Гродна /Таццяна Вішнеўская - БЕЛТА/. Фестываль нямога кіно пад адкрытым небам упершыню пройдзе ў Гродне. Аб гэтым карэспандэнту БЕЛТА паведаміў адзін з арганізатараў фестывалю і куратар праекта Cinemascope Гера Глік.

На тры вечары 27-29 чэрвеня ўнутраны двор Гродзенскага музея гісторыі рэлігіі ператворыцца ў кінатэатр пад адкрытым небам. Гледачам пакажуць тры старыя кінастужкі: гадзінны нямецкі фільм "Лялька", зняты ў 1919 годзе рэжысёрам Эрнстам Любічам, савецкі фільм вытворчасці 1935 года "Касмічны рэйс" рэжысёра Васіля Жураўлёва і амерыканскі фільм 1923 года "Нарэшце ў бяспецы" Фрэда С.Ньюмеера і Сэма Тэйлара.

Арганізатары фестывалю плануюць надаць кінапаказу ўнікальную атмасферу. Фільмы будуць дэманстравацца пад жывую музыку сучасных беларускіх кампазітараў і выканаўцаў. Прычым музыканты або рыхтуюць аўтарскае музычнае суправаджэнне спецыяльна пад кожны фільм, або аднаўляюць арыгінальныя класічныя мелодыі тапёраў, якія суправаджалі нямое кіно ў 20-я гады мінулага стагоддзя.

Арганізатарамі фестывалю выступаюць праект Cinemascope (Мінск), Гродзенскі дзяржаўны музей гісторыі рэлігіі і Асацыяцыя маладых беларускіх кампазітараў. Як растлумачыў Гера Глік, фестываль нямога кіно не мае камерцыйнага характару. "Фестываль мае асветныя і іміджавыя мэты. Ён становіцца своеасаблівай пляцоўкай для сучаснай музыкі, дае магчымасць беларускім кампазітарам прадставіць свае творы шырокай аўдыторыі і разам з тым дае ўнікальны шанц для беларускага гледача пашырыць свой кругагляд, азнаёміцца з гісторыяй кіно, з прыкладамі нямых кінастужак розных краін і розных жанраў", - сказаў ён.

Фестывальныя паказы нямога кіно пад сучасную музыку адбудуцца таксама ў Мінску 26 чэрвеня, 3, 10 і 17 ліпеня. Фестывальнай пляцоўкай выступіць мемарыяльны музей-майстэрня З.Азгура. У сталіцы будуць паказаны 7 старых фільмаў 1912-1928 гадоў вытворчасці Японіі, Германіі, СССР, Францыі, ЗША. У планах Cinemascope гэтым летам арганізаваць такія фестывалі ў Магілёве і Брэсце.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс