17 лютага, Мінск /Кар. БЕЛТА/. Сёння на алімпійскім турніры па фрыстайле праходзяць мужчынскія спаборніцтвы ў лыжнай акрабатыцы, паведамляе карэспандэнт БЕЛТА.
Пасля другога раўнда кваліфікацыі ў фінал прайшлі 3 з 4 беларусаў - гэта двухразовы прызёр Алімпійскіх гульняў Дзмітрый Дашчынскі, шматразовы прызёр этапаў Кубка свету Антон Кушнір і дэбютант Алімпіяд Дзяніс Осіпаў. На жаль, алімпійскі чэмпіён Ванкувера-2010 Аляксей Грышын выступіў няўдала, двойчы змазаўшы прызямленне, і завяршыў гэтыя спаборніцтвы.
Першая фінальная спроба з удзелам 12 лепшых спартсменаў стартуе ў 20.30 па беларускім часе. Пасля яе застанецца шэсць фрыстайлістаў, а затым у вырашальны фінал выйдуць чатыры лепшыя майстры акрабатыкі, якія і будуць спаборнічаць за алімпійскія ўзнагароды.
Пн | Аўт | Сер | Чцв | Пт | Сб | Нядз |
---|