Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

3 Ліс 2014

Дзяржаўны ансамбль танца Беларусі прадставіць у Маскве сольную праграму

3 лістапада, Масква /Эдуард Півавар - БЕЛТА/. Дзяржаўны ансамбль танца Беларусі 10 лістапада прадставіць у Маскве сольную праграму "Зямля пад белымі крыламі", паведамілі БЕЛТА ў пасольстве Беларусі ў Расіі.

Выступленне заслужанага калектыву Беларусі пройдзе ў Канцэртнай зале імя П.І.Чайкоўскага і будзе прымеркавана да 55-годдзя калектыву.

Дзяржаўны ансамбль танца Беларусі - найстарэйшы прафесійны харэаграфічны калектыў, які адзначыў у кастрычніку 2014 года сваё 55-годдзе. Больш за чвэрць стагоддзя мастацкім кіраўніком ансамбля з'яўляецца вядомы балетмайстар, народны артыст Беларусі, прафесар Валянцін Дудкевіч. Галоўную задачу сваёй работы ён бачыць у папулярызацыі беларускага народнага танца як аднаго з найбагацейшых пластоў нацыянальнай культуры. Творчасць балетмайстра адзначана смелым пошукам свайго харэаграфічнага почырку, імкненнем да новых арыгінальных трактовак сталых фальклорных форм.

Сёння Дзяржаўны ансамбль танца Беларусі прапануе сваім гледачам вялікія відовішчныя канцэртныя праграмы, складзеныя з беларускіх традыцыйных, жанравых і сучасных танцаў. Сярод апошніх работ калектыву - харэаграфічная кампазіцыя "Крывічы", у якой знайшлі адлюстраванне фальклорныя сімвалы круга і агню; феерыя "Лянок" - сучаснае ўвасабленне традыцыйнага карагода; дуэт "Барбара", што раскрывае вечную загадку ўзаемаадносін мужчыны і жанчыны; "Лявоніха" на музыку Яўгена Глебава. Артысты ансамбля аб'ездзілі з канцэртамі паўсвету. Ім апладзіравалі гледачы Азіі і Афрыкі, Еўропы і Блізкага Усходу, Злучаных Штатаў і Лацінскай Амерыкі. У апошнія гады калектыў неаднаразова гастраляваў у Кітаі, Італіі і Літве, выступаў на канцэртных пляцоўках Арменіі, Казахстана, Паўночнай Карэі і Аб'яднаных Арабскіх Эміратаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс