Падзеі, факты, анонсы

26 сакавіка, Масква /Эдуард Півавар - БЕЛТА/. Дзень яднання народаў Беларусі і Расіі ўрачыста адзначаць 2 красавіка ў Мінску і Маскве, паведамілі карэспандэнту БЕЛТА ў прэс-службе Парламенцкага сходу Саюза Беларусі і Расіі.

У гэты дзень у абедзвюх сталіцах арганізаваны святочныя мерапрыемствы. У Мінску канцэрт пройдзе ў Белдзяржфілармоніі.У Маскве ўрачысты вечар адбудзецца ў Маскоўскім дзяржаўным тэатры эстрады. Па традыцыі ў гэтых мерапрыемствах прымуць удзел саюзныя парламентарыі, палітычныя і дзяржаўныя дзеячы Беларусі і Расіі, прадстаўнікі творчай інтэлігенцыі, грамадскіх нацыянальна-культурных аб'яднанняў.

Дзень яднання народаў Беларусі і Расіі святкуецца штогод 2 красавіка. У гэты дзень у 1996 годзе быў падпісаны Дагавор аб утварэнні Супольніцтва Беларусі і Расіі, які паклаў пачатак будаўніцтву Саюзнай дзяржавы.