23 ліпеня, Мінск /Кар. БЕЛТА/. Дні культуры Туркменістана адкрываюцца сёння ў Беларусі, паведамляе БЕЛТА.
Урачыстая цырымонія адбудзецца ў Белдзяржфілармоніі. Пасля афіцыйнай часткі запланаваны канцэрт. У ім прымуць удзел Дзяржаўны ансамбль танца Туркменістана і артысты эстраднага аркестра "Алтын асыр", салісты аркестра народных інструментаў і артысты музычна-танцавальнага і фальклорнага ансамбля "Дэхістан" Палаца культуры нафтавікоў дзяржаўнага канцэрна "Туркменнебіт".
Дні культуры прадоўжацца да 26 ліпеня. На працягу некалькіх дзён песні замежных калектываў прадставяць у Магілёўскім абласным тэатры драмы і камедыі імя В.І.Дуніна-Марцінкевіча, а ў Нацыянальным гістарычным музеі выставяць экспанаты з фондаў Марыйскага велаяцкага гісторыка-краязнаўчага музея.
Узаемадзеянне паміж Беларуссю і Туркменістанам у культурнай сферы ажыццяўляецца на аснове дагавора аб дружбе і супрацоўніцтве і пагаднення паміж міністэрствамі культуры дзвюх краін аб сувязях у галіне культуры. Дні культуры Туркменістана ў Беларусі праходзілі ў 2010-м. Праз два гады з вялікім поспехам у Беларускім дзяржаўным цырку выступіла туркменская група джыгітаў "Галкыныш". У красавіку 2012 года ў Туркменістане былі арганізаваны Дні культуры Рэспублікі Беларусь.
Пн | Аўт | Сер | Чцв | Пт | Сб | Нядз |
---|