Падзеі, факты, анонсы
Дар'я Домрачава стане паслом добрай волі ПРААН у Беларусі
26 мая, Мінск /Алена Прус - БЕЛТА/. Трохразовая алімпійская чэмпіёнка па біятлоне Дар'я Домрачава стане паслом добрай волі Праграмы развіцця ААН (ПРААН) у Беларусі, паведамілі карэспандэнту БЕЛТА ў дэпартаменце грамадскай інфармацыі ААН у Беларусі.
Цырымонія назначэння Дар'і Домрачавай паслом добрай волі пройдзе 31 мая ў Мінскай гарадской ратушы ў час візіту ў Беларусь адміністратара ПРААН, намесніка Генеральнага сакратара ААН Хелен Кларк.
Візіт (28-31 мая) стане першым наведваннем кіраўніком ПРААН Беларусі за ўсю гісторыю супрацоўніцтва краіны з арганізацыяй. У ходзе перагавораў з беларускім бокам плануецца абмеркаваць пытанні далейшага супрацоўніцтва пры рэалізацыі новых праектаў, у тым ліку па чарнобыльскай тэматыцы.
Хелен Кларк мае намер наведаць Палескі дзяржаўны радыеэкалагічны запаведнік і горад Ветку, а таксама прыняць удзел у выязным пасяджэнні міжустаноўскай групы Арганізацыі Аб'яднаных Нацый па пераадоленні наступстваў катастрофы на Чарнобыльскай АЭС з удзелам прадстаўнікоў краін-донараў, арганізацый грамадзянскай супольнасці, экспертаў і прадстаўнікоў пацярпелых раёнаў Беларусі, Расіі і Украіны.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
