Падзеі, факты, анонсы

14 жніўня, Мінск /Кар. БЕЛТА/. Бізнес-форум "Беларусь - Нігерыя" пройдзе 15 жніўня ў Мінску. Аб гэтым паведамілі БЕЛТА ў Мінскім аддзяленні Беларускай гандлёва-прамысловай палаты.

Для ўдзелу ў форуме ў Мінск прыбывае дэлегацыя Нігерыі, якую ўзначальвае дырэктар аддзела фінансаў і паставак Гандлёва-прамысловай, горназдабыўной, сельскагаспадарчай палаты штата Кана (Нігерыя) Учэ Чыбузар. Мэта візіту, які будзе прадаўжацца да 26 жніўня, - устанаўленне і развіццё кантактаў з беларускімі таваравытворцамі, а таксама наведванне прадпрыемстваў. Асаблівую цікавасць нігерыйскія госці праяўляюць да прадпрыемстваў, якія выпускаюць сельскагаспадарчую тэхніку, абсталяванне і інструменты, аўтамабілі і матацыклы, запчасткі да іх.

Пройдзе кантактна-кааперацыйная біржа з удзелам прадстаўнікоў прадпрыемстваў Беларусі і Нігерыі. Беларускія прадпрыемствы будуць мець магчымасць правесці двухбаковыя перагаворы па напрамках: сумесная вытворчасць, пастаўка вырабаў са скуры, абутку, сумак і аксесуараў, электрапрыбораў, электрабытавой тэхнікі, электронікі; інфармацыйныя тэхналогіі, пастаўка камп'ютараў (праграмнае забеспячэнне і запчасткі да іх); пастаўка сельскагаспадарчых машын, абсталявання і інструментаў у Нігерыю; тэкстыль, прамысловае швейнае абсталяванне, швейныя аксесуары для атэлье.

Дэлегацыя Нігерыі плануе наведаць РУП "МТЗ", ЗАТ "Мэбля, будматэрыялы" (Мінск). Намечана таксама паездка на прадпрыемствы Віцебска.