21 мая, Мінск /Кар. БЕЛТА/. Больш за 150 казак пра сучасную Беларусь прыслалі школьнікі на конкурс ЮНЕСКА. Аб гэтым БЕЛТА паведамілі ў Рэспубліканскім грамадскім аб'яднанні "Беларуская Асацыяцыя клубаў ЮНЕСКА", якое выступае адным з арганізатараў конкурсу.
Конкурс казак пра сучасную Беларусь - частка ўнікальнага беларуска-аманскага праекта, прысвечанага еўрапейска-арабскаму дыялогу паміж Захадам і Усходам у цэлым і Беларуссю і Султанатам Аман у прыватнасці. Конкурс дзіцячых казак праводзіўся з сакавіка па красавік і быў прымеркаваны да Міжнароднага дзесяцігоддзя збліжэння культур, якое прадоўжыцца да 2022 года.
Журы выбрала 13 лепшых казак. Плануецца перакласці іх на арабскую і англійскую мовы, падрыхтаваць ілюстрацыі і выпусціць у выглядзе зборніка.
Арганізатарам конкурсу акрамя Беларускай Асацыяцыі клубаў ЮНЕСКА выступілі Нацыянальная камісія Беларусі па справах ЮНЕСКА, Міністэрства адукацыі.
Пн | Аўт | Сер | Чцв | Пт | Сб | Нядз |
---|