Падзеі, факты, анонсы
Больш як 210 тыс. чалавек прынялі ўдзел у мерапрыемствах у гонар закрыцця ЧС па хакеі
26 мая, Мінск /Кар. БЕЛТА/. Больш як 210 тыс. чалавек прынялі ўдзел у святочных мерапрыемствах у гонар закрыцця ЧС па хакеі ў Мінску, паведамілі БЕЛТА ў прэс-службе ГУУС Мінгарвыканкама.
Найбольшая колькасць людзей прынялі ўдзел у святочных мерапрыемствах у зонах гаціннасці: каля Палаца спорту - амаль 140 тыс. чалавек, каля Студэнцкай вёскі - амаль 40 тыс., каля комплексу "Мінск-Арэна" - амаль 30 тыс., расказалі ў ГУУС. На працягу ўсяго апошняга дня ЧС на тэрыторыі Студэнцкай вёскі, а таксама каля Палаца спорту ў цэнтры горада і Мінскага гарадскога Лядовага палаца спорту праходзілі канцэрты. На дзвюх апошніх пляцоўках сёння з 01.30 да 02.15 прайшлі лазерныя
3D шоу.
У ахове грамадскага парадку і забеспячэнні бяспекі грамадзян быў задзейнічаны ўвесь асабовы склад ГУУС Мінгарвыканкама, а таксама адкамандзіраваныя супрацоўнікі органаў унутраных спраў УУС аблвыканкамаў і падраздзяленняў АМАП рэспублікі. "Супрацоўнікі органаў унутраных спраў задачы па забеспячэнні правапарадку выканалі", - падкрэслілі ў ГУУС. Сур'ёзных парушэнняў грамадскага парадку і надзвычайных здарэнняў не дапушчана.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
