20 жніўня, Мінск /Кар. БЕЛТА/. Беларускія скакуны ў ваду Вадзім Каптур і Яўген Каралёў сталі сярэбранымі прызёрамі чэмпіянату Еўропы, які праходзіць у Берліне, паведаміў карэспандэнт БЕЛТА.
20 жніўня беларускі дуэт заняў другое месца ў сінхронных скачках у ваду з вышкі з ацэнкай 421,80 бала. Чэмпіёнамі кантынента сталі нямецкія спартсмены Патрык Хаўсдынг і Саша Кляйн (461,46 бала), бронза ў актыве ўкраінскага тандэма Аляксандр Бондар / Максім Далгоў (415,17).
Гэта ўзнагарода другая ў актыве беларускіх майстроў водных відаў спорту. Напярэдадні першы медаль заваяваў плывец Яўген Цуркін, які стаў чэмпіёнам кантынента ў плаванні батэрфляем на дыстанцыі 50 м.
Чэмпіянат Еўропы фінішуе ў нямецкай сталіцы 24 жніўня.
Пн | Аўт | Сер | Чцв | Пт | Сб | Нядз |
---|