Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

5 Mar 2014

Беларуская туріндустрыя прадстаўлена на буйнейшай выстаўцы ў Берліне

5 сакавіка, Мінск /Наталля Злотнік - БЕЛТА/. Беларуская туріндустрыя прадстаўлена на 48-й міжнароднай турыстычнай біржы ITB Berlin, якая адкрылася сёння ў Берліне, паведамілі БЕЛТА ў Нацыянальным агенцтве па турызме.

На адзіным нацыянальным стэндзе Беларусі ўдзел у выстаўцы прымаюць Нацыянальнае агенцтва па турызме, гасцініца "Арбіта", турыстычныя кампаніі "Дзітрыб" і "Прайм Тур".

У час выстаўкі прадстаўнікі Нацагенцтва па турызме ў рамках кангрэса Акадэміі культурнай дыпламатыі прэзентуюць турыстычныя магчымасці Беларусі. Асаблівая ўвага на прэзентацыі будзе ўдзяляцца маючаму адбыцца чэмпіянату свету па хакеі, які пройдзе ў Мінску з 9 па 25 мая. Запланаваны таксама перагаворы беларускай дэлегацыі з прадстаўнікамі тэлеканалаў Travel Channel і Eurosport.

Работа выстаўкі прадоўжыцца па 9 сакавіка.

Internationale Tourismus Borse (ITB) Berlin з'яўляецца адным з буйнейшых турыстычных кірмашоў у свеце. У гэтым годзе ў 26 павільёнах выставачнага комплексу Messe Berlin размесцяцца больш за 10 тыс. удзельнікаў амаль з 200 краін свету. Гасцямі ITB Berlin стануць больш за 170 тыс. наведвальнікаў, з іх 110 тыс. - прафесіяналы турбізнесу. У час выстаўкі адбудзецца самы вялікі ў свеце кангрэс турыстычнай галіны, запланавана правядзенне звыш 100 тэматычных секцый і семінараў. Работу буйнейшай падзеі ў свеце турбізнесу будуць асвятляць каля 7 тыс. журналістаў больш чым з 90 краін свету.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі