Падзеі, факты, анонсы

15 сакавіка, Мінск /Кар. БЕЛТА/. У цырымоніі інтранізацыі Папы Францыска прыме ўдзел беларуская дэлегацыя на чале са старшынёй Савета Рэспублікі Анатолем Рубінавым. Аб гэтым паведаміў БЕЛТА начальнік упраўлення інфармацыі - прэс-сакратар Міністэрства замежных спраў Беларусі Андрэй Савіных.

Новым Папам Рымскім 13 сакавіка быў выбраны архіепіскап Хорхе Марыа Берголіа з Буэнас-Айрэса (Аргенціна). У якасці свайго новага імя аргенцінскі архібіскуп выбраў Францыск. Гэта ўжо 266-ы па ліку пантыфік.

Урачыстая цырымонія ўступлення на прастол першага лацінаамерыканскага пантыфіка Францыска адбудзецца 19 сакавіка.