14 снежня, Мінск /Кар. БЕЛТА/. Беларуска Таццяна Драздоўская заняла трэцяе месца на этапе Кубка свету па парусным спорце, які завяршыўся ў аўстралійскім Мельбурне, паведамляе карэспандэнт БЕЛТА.
Таццяна Драздоўская, якая выступала ў класе жаночых лодак "Лазер Радыял", стала ўладальніцай бронзавага медаля (29 ачкоў) і ўступіла па выніках васьмі гонак аўстралійцы Эшлі Стодарт (14 ачкоў), якая заняла першае месца, і Сюзане Піят з Новай Зеландыі (24 ачкі).
У першым этапе Кубка свету прынялі ўдзел 900 спартсменаў у дзевяці алімпійскіх і трох паралімпійскіх класах лодак.
Для лідара беларускай каманды выступленне ў Аўстраліі стала першым, пасля чэмпіянату свету па парусным спорце, дзе Драздоўская заняла 27-е месца, у новым сезоне.
Чарговы этап Кубка свету па парусным спорце пройдзе з 23 па 30 студзеня 2016 года ў Маямі.