Падзеі, факты, анонсы
Беларускі саюз мастакоў да ЧС па хакеі рыхтуе выстаўку "Арэна-Беларт"
3 красавіка, Мінск /Кар. БЕЛТА/. Беларускі саюз мастакоў да ЧС па хакеі правядзе выстаўку "Арэна-Беларт", прысвечаную спорту. Праект адкрыецца 30 красавіка ў Палацы мастацтваў, паведаміў 2 красавіка на прэс-канферэнцыі намеснік старшыні Беларускага саюза мастакоў па выставачнай дзейнасці Леанід Хобатаў, перадае карэспандэнт БЕЛТА.
На выстаўцы будзе прадстаўлена выяўленчае, дэкаратыўна-прыкладное мастацтва, а таксама скульптура. Аўтары з усіх куткоў Беларусі прадставяць амаль тысячу работ, якія размесцяцца ва ўсіх выставачных залах Палаца мастацтваў.
"Вобразна кажучы, Палац мастацтваў забірае вобраз арэны і змяшчае яе ў свае сцены. Зразумела, што арэна - гэта асацыяцыя на нашу спартыўную пляцоўку, а далей - пытанне мастацтва", - сказаў Леанід Хобатаў.
Ён падкрэсліў, што хоць выстаўка і прысвечана спорту, не мае сэнсу шукаць на ёй спартыўныя творы, а трэба арыентавацца на дасягненні ў мастацтве.
"Нас цікавіць пытанне творчага ўздыму, адкрыцця, пазіцыі мастака і прафесійнага ўвасаблення. Да мастака шмат патрабаванняў, каб ён не займаўся ілюстрацыяй падзей", - адзначыў Леанід Хобатаў.
Выстаўка прадоўжыцца да 15 мая.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
