Падзеі, факты, анонсы

Беларускі плывец Ілья Шымановіч перамог на "Гульнях Дружбы" ў Казані

Ілья Шымановіч. Фота з архіва

26 ліпеня, Мінск /Кар. БЕЛТА/. У Казані завяршыўся першы этап міжнародных спаборніцтваў па плаванні "Гульні Дружбы", у якіх прынялі ўдзел беларускія спартсмены, паведамляе карэспандэнт БЕЛТА.

У заключны дзень спаборніцтваў нашы плыўцы заваявалі два медалі. На дыстанцыі 100 м у мужчын перамогу атрымаў Ілья Шымановіч, а ў жаночым фінале на дыстанцыі 50 м батэрфляем трэці рэзультат паказала Настасся Куляшова. Усяго на "Гульнях Дружбы" беларуская каманда выйграла 11 медалёў - 2 залатыя, 4 сярэбраныя і 5 бронзавых. Акрамя Шымановіча на вышэйшую прыступку п'едэстала паднімалася і Настасся Шкурдай (200 м на спіне).

Удзел у спаборніцтвах у Казані прымалі 27 спартсменаў з Беларусі, усяго на турніры выступілі больш за 700 плыўцоў з 13 краін.

версія для друку

зрабіць стартавай

дабавіць у выбранае