8 снежня, Масква /Эдуард Півавар - БЕЛТА/. Беларускі піяніст Уладзіслаў Хандогій выйшаў у фінал XV Міжнароднага тэлевізійнага конкурсу юных музыкантаў "Шчаўкунок", што з 2 па 9 снежня праходзіць у Маскве, паведамляе БЕЛТА.
Штогадовы конкурс "Шчаўкунок" быў заснаваны 15 гадоў таму тэлеканалам "Культура". Гэта адзіны на расійскім тэлебачанні музычны форум у галіне акадэмічнай музыкі, куды з'язджаюцца маладыя выканаўцы не толькі з Расіі, але і з усяго свету.
Тэлегледачы маюць магчымасць падтрымаць маладых выканаўцаў. Фінальны тур спаборніцтва будзе трансліравацца з Канцэртнай залы імя П.І.Чайкоўскага ў прамым эфіры на тэлеканале "Культура" 9 снежня.
Пн | Аўт | Сер | Чцв | Пт | Сб | Нядз |
---|