У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Врс 2015

Беларускі павільён на "ЭКСПА-2015" у Мілане ўжо наведалі каля 800 тыс. чалавек

Беларускі павільён на "ЭКСПА-2015" у Мілане9 верасня, Мілан /Кар. БЕЛТА/. Беларускі павільён на "ЭКСПА-2015" у італьянскім Мілане ўжо наведалі каля 800 тыс. чалавек. Аб гэтым паведаміў карэспандэнту БЕЛТА намеснік прэм'ер-міністра Беларусі, генеральны камісар Беларусі на "ЭКСПА-2015" Міхаіл Русы.

"У павільёне Беларусі з моманту адкрыцця пабывалі ўжо каля 800 тыс. чалавек. Адны людзі прыходзяць проста даведацца аб нашай краіне, гэта нашы патэнцыяльныя турысты. Іншыя прыходзяць з канкрэтнымі бізнес-планамі, і ўжо цяпер можна сказаць, што па выніках "ЭКСПА" будуць рэалізаваны канкрэтныя праекты", - расказаў Міхаіл Русы.

Беларускі павільён на "ЭКСПА-2015" у МіланеВіцэ-прэм'ер звярнуў увагу, што дэманстрацыя ўласнага павільёна - гэта паказчык эканамічнай стабільнасці краіны і яе інтэграцыі ў супольнасць буйных ігракоў на сусветным харчовым рынку. "Дэвіз нашай выстаўкі "Накарміць планету. Энергія для жыцця", можна сказаць, што сябе Беларусь накарміла, да таго ж мы штогод экспартуем прадукты харчавання на суму $6 млрд", - сказаў ён.

Беларускі павільён на "ЭКСПА-2015" у МіланеСёння на "ЭКСПА" праходзіць Нацыянальны дзень Беларусі. У нацыянальным павільёне з самай раніцы ажыятаж - наведаць яго імкнуцца сотні турыстаў з Еўропы, Азіі, Афрыкі, Паўночнай Амерыкі. Наведвальнікі каштуюць стравы нацыянальнай кухні, цікавяцца беларускімі сувенірамі і робяць фота на фоне кола жыцця і трактара "Беларус" на ўваходзе ў павільён.

Беларускі павільён на "ЭКСПА-2015" у МіланеНа працягу дня свята суправаджаецца музычнымі выступленнямі каля нацыянальнага павільёна. Вечарам на галоўнай сцэнічнай пляцоўцы выстаўкі "ЭКСПА-Цэнтры" адбудзецца канцэрт "Запрашае Беларусь".

"ЭКСПА-2015" у Мілане працуе з 1 мая па 31 кастрычніка, удзел у ёй прымаюць 145 краін, асобныя экспазіцыі прадстаўляюць буйныя кампаніі і няўрадавыя арганізацыі.

Беларускі павільён на "ЭКСПА-2015" у МіланеБеларусь прадстаўлена на "ЭКСПА-2015" праз асноўныя нацыянальныя багацці беларускай зямлі - хлеб, соль і ваду. Праз усю плошчу ўчастка праходзіць дарога, якая асацыіруецца з рэчышчам ракі, па якім паток людзей накіроўваецца да кола вадзянога млына. Павільён нацыянальнай экспазіцыі падзелены колам на дзве часткі: у адной з іх размешчана крытая выставачная плошча, у ёй знаходзіцца сама экспазіцыя, якая прадстаўляе нацыянальную культуру Беларусі, яе каларыт і самабытнасць, у другой частцы - рэстаран беларускай нацыянальнай кухні і сувенірны магазін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску