30 снежня, Мінск /Таццяна Іванюк - БЕЛТА/. Беларускі інвестар пабудуе ў Нацыянальным аэрапорце Мінск атэль. Аб гэтым сёння паведаміў журналістам намеснік прэм'ер-міністра Беларусі Анатоль Калінін, наведваючы аэрапорт, перадае карэспандэнт БЕЛТА.
Мінгарвыканкам правёў конкурс, па выніках якога вызначаны пераможца - беларуская кампанія. Інвестар будзе вызначаць генпадрадную арганізацыю. "Я лічу, што ў 2015 годзе мы павінны пачаць будаўніцтва", - сказаў віцэ-прэм'ер. Як удакладніў Анатоль Калінін, праект будзе рэалізаваны за кошт сродкаў інвестара.
Як паведамлялася, пляцоўка пад будаўніцтва атэля ў Нацыянальным аэрапорце Мінск ужо вызначана. Раней Анатоль Калінін заявіў: "Мы хочам, каб да канца 2016 года атэль працаваў ужо і аказваў адпаведныя паслугі гасцям аэрапорта".
Пн | Аўт | Сер | Чцв | Пт | Сб | Нядз |
---|