Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

21 Aug 2014

Беларускі дзюдаіст Дзмітрый Мінькоў стаў сярэбраным прызёрам юнацкай Алімпіяды

21 жніўня, Мінск /Кар. БЕЛТА/. У кітайскім Нанкіне прадаўжаюцца спаборніцтвы II летніх юнацкіх Алімпійскіх гульняў, паведамляе карэспандэнт БЕЛТА.

Сёння беларускі дзюдаіст Дзмітрый Мінькоў стаў уладальнікам сярэбранага медаля ў складзе змешанай інтэрнацыянальнай каманды, у якой разам з ім выступалі спартсмены з Бразіліі, Сербіі, Рэспублікі Карэя, Мексікі, Расіі і Кітайскага Тайбэя.

Гэта другая ўзнагарода беларусаў на юнацкай Алімпіядзе. Першую напярэдадні заваявала Хрысціна Стараселец, якая стала чэмпіёнкай у класе лодак-адзіночак на дыстанцыі 1000 м у акадэмічным веславанні.

Паспяхова рухаецца па турнірнай дыстанцыі беларуская тэнісістка Ірына Шымановіч. Сёння ў чвэрцьфінальным паядынку адзіночнага разраду беларуска перайграла тайландскую тэнісістку Каманван Буаям - 6:7, 6:3, 6:4. У паўфінале Ірына Шымановіч будзе сапернічаць з украінкай Ангелінай Калінінай.

У летніх юнацкіх Алімпійскіх гульнях удзельнічаюць 34 беларускія атлеты ў 16 відах спорту. Спаборніцкая праграма завершыцца 27 жніўня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі