Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

2 Oct 2014

"Беларусьфільм" здыме кіно разам з Эмірам Кустурыцам

"Беларусьфільм" здыме кіно разам з Эмірам Кустурыцам2 кастрычніка, Мінск /Кар. БЕЛТА/. Нацыянальная кінастудыя "Беларусьфільм" прыме ўдзел у новым кінапраекце сербскага рэжысёра Эміра Кустурыцы. Аб гэтым карэспандэнту БЕЛТА паведаміў начальнік аддзела рэалізацыі і рэкламы кінастудыі Міхаіл Кацюшэнка.

"Кінастудыя "Беларусьфільм" і французская кінакампанія CINEMA SOLEIL заключылі Мемарандум аб сумеснай вытворчасці поўнаметражнага ігравога фільма "Калі не цяпер, то калі?" сербскага рэжысёра Эміра Кустурыцы. Сцэнарый карціны напісаны Кустурыцам сумесна з Горданам Міхічам паводле аднайменнага рамана італьянскага паэта, пісьменніка і перакладчыка Прыма Леві. Дзеянне ў фільме будзе адбывацца ў час Другой сусветнай вайны на тэрыторыі Беларусі. У карціне расказваецца аб партызанскай барацьбе з нямецка-фашысцкімі захопнікамі. Раман Прыма Леві напісаны ў 1982 годзе і ўдастоены прэстыжных літаратурных узнагарод Італіі - прэміі Камп'ела і прэміі Віярэджа", - расказаў Міхаіл Кацюшэнка.

Паводле слоў начальніка аддзела, ідэя сумеснай вытворчасці фільма зарадзілася ў час работы Беларускага павільёна на Канскім міжнародным кінафестывалі, у ходзе якога адбыліся перагаворы з генеральным прадзюсарам кінапраекта Мікі Захар. "Гэта не першая міжнародная ініцыятыва, што ўзнікла дзякуючы ўдзелу кінастудыі ў рабоце буйнейшага кінафоруму планеты", - адзначыў ён.

Эмір Кустурыца - сербскі кінарэжысёр, сцэнарыст, акцёр, прадзюсар з сусветным імем, фільмы якога адзначаны ўзнагародамі буйнейшых кінафестываляў Еўропы, уключаючы дзве "Залатыя пальмавыя галіны" Канскага кінафестывалю. Рэжысёр з'яўляецца кавалерам ордэна Ганаровага легіёна, замежным членам Акадэміі навук і мастацтваў Сербскай Рэспублікі. Эмір Кустурыца ўзнагароджаны прызам Прэзідэнта Беларусі Аляксандра Лукашэнкі "За захаванне і развіццё традыцый духоўнасці ў кінамастацтве".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі