8 чэрвеня, Мінск /Аліна Грышкевіч - БЕЛТА/. Беларусь удзельнічае ў 52-й сесіі Камітэта ААН па праграме і каардынацыі, якая з 4 па 29 чэрвеня праходзіць у Нью-Ёрку. Аб гэтым паведаміў 7 чэрвеня на брыфінгу начальнік упраўлення інфармацыі - прэс-сакратар МЗС Беларусі Андрэй Савіных, перадае карэспандэнт БЕЛТА.
У рабоце 52-й сесіі Камітэта ў якасці паўнапраўнага члена прымае ўдзел дэлегацыя Беларусі на чале з Пастаянным прадстаўніком нашай краіны пры ААН Андрэем Дапкюнасам.
Асноўным пытаннем бягучай сесіі стане разгляд стратэгічных рамак ААН на перыяд 2014-2015 гадоў. Гэты дакумент складаецца з 28 тэматычных праграм, па якіх Камітэт выпрацуе рэкамендацыі для фарміравання бюджэту ААН.
Асаблівая ўвага ў рабоце беларускай дэлегацыі будзе ўдзелена праграмам па ўстойліваму развіццю, гандлю, навуковаму супрацоўніцтву, ахове навакольнага асяроддзя, якія ўяўляюць прыярытэт для нашай краіны.
Камітэт з'яўляецца дапаможным органам Генеральнай асамблеі і ЭКАСАС, разглядае ход выканання зацверджаных праграм і ўзгадняе перспектыўныя стратэгічныя рамкі ААН.
Пн | Аўт | Сер | Чцв | Пт | Сб | Нядз |
---|