Падзеі, факты, анонсы
Аўтарская выстаўка беларускага мастака Андрэя Духоўнікава праходзіць у Франкфурце-на-Одэры
8 красавіка, Мінск /Кар. БЕЛТА/. Аўтарская выстаўка Андрэя Духоўнікава, вядомага беларускага мастака, дырэктара Віцебскага цэнтра сучаснага мастацтва, праходзіць у Франкфурце-на-Одэры, паведамілі БЕЛТА ў Міністэрстве замежных спраў Беларусі.
Адкрыццё выстаўкі адбылося 4 красавіка ў галерэі "Б" Дома мастацтваў Франкфурта-на-Одэры. Мерапрыемства арганізавана ў рамках пабрацімскіх сувязей паміж Віцебскам і Франкфуртам-на-Одэры, якія падтрымліваюцца больш як 20 гадоў. У цырымоніі адкрыцця прынялі ўдзел намеснік обер-бургамістра Франкфурта-на-Одэры Маркус Дэрлінг, кіраўнік аддзела культуры гарадской адміністрацыі Франк Дромэрт, кіраўнік Таварыства дружбы з горадам Віцебскам Клаус Бальдаўф, кіраўнік Мастацкага аб'яднання Франкфурта-на-Одэры Фрыц-Рэнэ Грабау, дэпутаты парламента, прадстаўнікі творчай інтэлігенцыі і СМІ.
Андрэй Духоўнікаў перадаў у дар Франкфурту-на-Одэры адну са сваіх графічных работ, створаных у час знаходжання ў Германіі, а таксама альбом ілюстрацый Марка Шагала да паэмы Мікалая Гогаля "Мёртвыя душы".
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
