Падзеі, факты, анонсы
Артысты Вялікага тэатра Беларусі сталі лаўрэатамі ІІІ Міжнароднага конкурсу балета
20 верасня, Мінск /Кар. БЕЛТА/. Вядучыя майстры сцэны балетнай трупы Вялікага тэатра Беларусі Аляксандра Чыжык і Канстанцін Геронік сталі лаўрэатамі ІІІ Міжнароднага конкурсу артыстаў балета, які праходзіў у Астане (Казахстан) з 10 па 17 верасня, паведамілі БЕЛТА ў тэатры.
"Гучнымі апладысментамі на працягу ўсіх конкурсных дзён сустракалі нашых артыстаў Аляксандру Чыжык і Канстанціна Героніка, якія ў выніку сталі ўладальнікамі трэціх прэмій конкурсу", - адзначылі ў тэатры.
На працягу тыдня на сцэне Дзяржаўнага тэатра оперы і балета "Астана Опера" спаборнічалі канкурсанты з Беларусі, Расіі, Казахстана, Украіны, Японіі і іншых краін.
Конкурсная праграма была падрыхтавана з тым разлікам, каб артысты змаглі прадэманстраваць усе грані свайго таленту і майстэрства. У першым туры абавязковымі да выканання былі варыяцыі і дуэты з класічных балетаў, у другім да іх дабавіліся нумары сучаснай харэаграфіі.
Заснавальнікам ІІІ Міжнароднага конкурсу артыстаў балета з'яўляецца прыватны "Фонд развіцця і падтрымкі балета і нацыянальнага танца" на базе вядучага тэатра "Астана Опера".
версія для друку
зрабіць стартавай
дабавіць у выбранае