Падзеі, факты, анонсы

29 кастрычніка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка прапанаваў аб'явіць 2015 год у Беларусі Годам моладзі. З такой ініцыятывай ён выступіў сёння на маладзёжным форуме "Традыцыі. Моладзь. Будучыня", перадае карэспандэнт БЕЛТА.

Аляксандр Лукашэнка звярнуў увагу на тое, што 2015 год будзе вызначальным у гісторыі краіны. "Гэта будзе вельмі няпросты год, я гэта кажу без усялякага падтэксту, - сказаў кіраўнік дзяржавы. - Гэты год будзе вызначаць будучыню нашай краіны па многіх-многіх напрамках. І як вы вырашыце ў гэты год, няхай так і будзе, гэта будзе для вас".