Падзеі, факты, анонсы

17 снежня, Мінск /Кар. БЕЛТА/. Адзіны дзень скідак пройдзе 28 снежня ў Мінску. Як паведамілі БЕЛТА ў галоўным упраўленні спажывецкага рынку Мінгарвыканкама, буйныя гандлёвыя прадпрыемствы будуць прадастаўляць скідкі ад 15 да 20 працэнтаў.

У гандлёвай сетцы горада дзякуючы скідкам, распрадажам і акцыям для пакупнікоў дасягнута цэнавая прывабнасць на тавары. Усяго непрадуктовымі магазінамі ў снежні будзе праведзена больш за 550 разнастайных мерапрыемстваў і акцый, у тым ліку звыш 250 распрадаж са зніжэннем рознічных цэн. Гандлёвыя сеткі прапануюць пакупнікам шырокі асартымент харчовых тавараў са скідкамі 20-50 працэнтаў.

Найбольш шматлікія акцыі і распрадажы прапануюцца сталічнымі ўнівермагамі. Так, у ТАА "Гандлёвы дом "На Нямізе" працуе пераднавагодні кірмаш з разнастайным святочным асартыментам (ёлачныя ўпрыгажэнні, гірлянды, камплекты падарункаў, жывыя і штучныя ёлкі). У гандлёвым доме 20 і 21 снежня будзе дзейнічаць скідка 20 працэнтаў на нехарчовыя тавары.

ААТ "ЦУМ" праводзіць вялікую калядную распрадажу тавараў са скідкай да 35 працэнтаў сумесна з пастаўшчыкамі. Акрамя таго, у ЦУМе ў снежні праходзяць дэгустацыі прадукцыі ўласнай вытворчасці.

Навагодняя скідка ў ГУМе з 18 па 25 снежня складзе 20 працэнтаў на нехарчовыя тавары і 7 працэнтаў на харчовыя тавары. Тут праводзяцца акцыі - сумесна з пастаўшчыкамі і вытворцамі тавару (42 пастаўшчыкі) - па прадастаўленні скідкі ад 10 працэнтаў да 25 працэнтаў на нехарчовыя тавары. Арганізаваны пашыраны продаж ёлачных упрыгажэнняў, ёлак штучных, сувеніраў, цацак з прадастаўленнем скідкі 15 працэнтаў.

Ва ўнівермагу "Беларусь" са снежня 2014 года па студзень 2015 года запланавана больш як 50 навагодніх рэкламных мерапрыемстваў і акцый са зніжэннем цэн сумесна з вытворцамі і пастаўшчыкамі. У час акцыі "Ноч перад Калядамі" (24 снежня) памер скідкі на тавары ва ўнівермагу будзе 15 працэнтаў ад рознічнай цаны з 9.00 да 20.00 і 20 працэнтаў ад рознічнай цаны з 20.00 да 23.00.

З 22 па 31 снежня праводзяцца забаўляльныя мерапрыемствы з удзелам Дзеда Мароза, Снягурачкі і іншых казачных персанажаў на прылеглых да ўнівермага тэрыторыях і ў гандлёвых залах.