Міжнародным саюзам электрасувязі (МСЭ) падрыхтавана справаздача "Вымярэнне інфармацыйнага грамадства, 2011 год" (Measuring the Information Society, 2011).
У дакуменце канстатуецца, што Рэспубліка Беларусь цяпер займае 52-е месца ў свеце па Індэксу развіцця інфармацыйна-камунікацыйных тэхналогій (IDI - ICT Development Index).
IDI з'яўляецца састаўным індэксам, уключае 11 паказчыкаў, якія ахопліваюць доступ да ІКТ, выкарыстанне ІКТ і навыкі ў галіне ІКТ.
На прасторы СНД Беларусь уступае толькі Расіі, а ў міжнародным маштабе апярэджвае па ўзроўню гэтага паказчыка такія дзяржавы, як Аргенціну, Бразілію, Індыю, Кітай, Мексіку.
Адзначым, што Беларусь у апошнія гады значна ўмацавала свае пазіцыі: у 2008 годзе наша краіна займала 58-е месца, а абсалютнае значэнне індэкса IDI цяпер вырасла з 3,93 да 5,01.
У сувязі з гэтым Беларусь занесена ў катэгорыю дзесяці найбольш дынамічных краін (Top 10 Most Dynamic Countries).
Па выніках праведзенага даследавання Рэспубліка Беларусь заняла таксама 56-е месца ў свеце па ўдзельнаму кошту "карзіны паслуг ІКТ" (IPB - ICT Price Basket).
Гэтым паказчыкам вымяраецца даступнасць для насельніцтва ў сувязі з цаной да фіксаванай і рухомай тэлефоннай сувязі, паслуг фіксаванага шырокапалоснага доступу ў Інтэрнэт (краіны з найбольш даступнымі паслугамі ІКТ знаходзяцца на чале спісу).
Па прымальнасці цэн на паслугі сувязі Беларусь апярэджвае шэраг дзяржаў - членаў ЕС (Балгарыю, Венгрыю, Славакію, Чэхію) і некаторых іншых важкіх ігракоў у сферы ІКТ на міжнароднай арэне - Аргенціну, Бразілію, Індыю, Кітай, Мексіку.
Пры гэтым па аднаму з кампанентаў "карзіны паслуг" - кошту фіксаванай тэлефоннай сувязі (Fixed-Telephone Sub-Basket) - Беларусь традыцыйна знаходзіцца ў дзясятцы дзяржаў з найбольш даступнымі тарыфамі.
Пн | Аўт | Сер | Чцв | Пт | Сб | Нядз |
---|