30 ліпеня 2010 года Генеральная Асамблея ААН прыняла кансэнсусам глабальны план дзеянняў па барацьбе з гандлем людзьмі, які з'яўляецца практычнай рэалізацыяй беларускай ініцыятывы аб фарміраванні глабальнага партнёрства па барацьбе з гэтым сацыяльным злом.
Глабальны план з'яўляецца першым у гісторыі ААН дакументам такога роду па пытаннях барацьбы з гандлем людзьмі, які накіраваны, перш за ўсё, на абарону яго ахвяр. План прадугледжвае стварэнне добраахвотнага фонду дапамогі гэтым ахвярам.
Прыняцце плана з'яўляецца сведчаннем адзінай палітычнай волі дзяржаў - членаў ААН пакласці канец гэтай сучаснай форме рабства.
Прыняты Генеральнай Асамблеяй дакумент павінен стаць дзейсным механізмам па мабілізацыі і аб'яднанню намаганняў усіх зацікаўленых для прадухілення і спынення гандлю людзьмі: дзяржаў, міжнародных арганізацый, грамадзянскай супольнасці, прыватнага сектара, СМІ - і накіраваць гэтыя намаганні ва ўзгодненыя, збалансаваныя і ўсёабдымныя рамкі.
Пн | Аўт | Сер | Чцв | Пт | Сб | Нядз |
---|