У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

13 Ліп 2017

Фестываль "Славянскі базар" урачыста адкрываецца сёння ў Віцебску

Фестываль

13 ліпеня, Віцебск /Кацярына Князева - БЕЛТА/. Урачыстае адкрыццё XXVI Міжнароднага фестывалю мастацтваў "Славянскі базар у Віцебску" адбудзецца сёння ў Летнім амфітэатры, паведамляе БЕЛТА.

Старту форуму спадарожнічае цэлы цырыманіял. Менавіта сёння на тэрыторыі культурна-спартыўнага комплексу Летняга амфітэатра побач са сцягамі 36 краін-удзельніц падымецца яшчэ адзін - сцяг фестывалю. Крыху пазней на Плошчы зорак атрымае імянную прапіску ўладальніца спецыяльнай узнагароды Прэзідэнта Рэспублікі Беларусь "Праз мастацтва - да міру і ўзаемаразумення" Тамара Гвердцытэлі. А потым увага будзе засяроджана на артыстах, чый творчы шлях да поспеху толькі пачынаецца, - на тым жа месцы адбудзецца жараб'ёўка на паўфінал XXVI Міжнароднага конкурсу выканаўцаў эстраднай песні "Віцебск-2017".

Між тым, інтрыга XV Міжнароднага дзіцячага музычнага конкурсу, наадварот, да гэтага моманту будзе раскрыта: гала-канцэрт і ўзнагароджанне пераможцаў пройдуць у канцэртнай зале "Віцебск" ужо днём. Пазней вечарам уладальнік Гран-пры выйдзе на сцэну Летняга амфітэатра на ўрачыстым канцэрце адкрыцця форуму. У праграме - самыя любімыя артысты, даўнія сябры форуму і новыя асобы: Рыгор Лепс, Тамара Гвердцытэлі, Марына Дзявятава, Варвара, Ядвіга Паплаўская, Дзмітрый Калдун, Тэа і Вольга Рыжыкава, Роза Рымбаева, LONDONBEAT, Крыс дэ Бург, Хуліа Іглесіяс-малодшы і многія іншыя.

На іншых пляцоўках форуму таксама чакаюцца аншлагі: у канцэртнай зале "Віцебск" сябры і калегі па цэху прысвецяць свае выступленні Аляксандру Ціхановічу; у віцебскай абласной філармоніі сваю праграму прадставіць пераможца тэлевізійнага шоу "Голас" іераманах Фоцій. І свята ў поўным аб'ёме прыйдзе на фестывальныя вуліцы: першыя мерапрыемствы III Фэсту вулічнага мастацтва "На сямі вятрах" - выступленні танцораў, музыкантаў, мастакоў, перформераў, вогненнае шоу і дэгустацыі чаю матэ - пройдуць на пляцоўках каля Пушкінскага моста, на вул. Талстога, каля цэнтра сучаснага мастацтва, у парку Фрунзэ.

Праект "Тэатральныя сустрэчы" прадоўжыць чарговая камедыя на сцэне Коласаўскага тэатра - на гэты раз пастаноўка "Нявеста напракат" ад кампаніі "Сюжэт". А член журы конкурсу, італьянскі кампазітар, пісьменнік і мастак Depsa прадставіць у абласным краязнаўчым музеі выстаўку сваіх графічных работ.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс