Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

27 Oct 2017

Беларуска-еўрапейскі інвестфорум праходзіць у Люксембургу

Беларуска-еўрапейскі інвестфорум праходзіць у Люксембургу

27 кастрычніка, Люксембург /Юлія Дылянок - БЕЛТА/. Беларуска-еўрапейскі інвестыцыйны форум Belarus. Invest in tomorrow праходзіць у Люксембургу, перадае карэспандэнт БЕЛТА.

Для ўдзелу ў мерапрыемстве заявіліся каля 200 еўрапейскіх бізнесменаў. Таксама ў Люксембург прыбылі прадстаўнічыя ўрадавая і дзелавая дэлегацыі.

Галоўная мэта форуму - стварэнне эфектыўнай і арыентаванай на вынік рознаўзроўневай пляцоўкі для наладжвання ўстойлівага ўзаемадзеяння беларускіх крэдытна-фінансавых устаноў і суб'ектаў гаспадарання з еўрапейскімі партнёрамі і развіцця моцных, шмат у чым унікальных бакоў беларускай эканомікі (ІТ, лагістыка) сярод заходніх дзелавых колаў.

Запланавана правядзенне пленарнага пасяджэння і панэльных дыскусій. У прыватнасці, еўрапейскім інвестарам будзе прадастаўлена інфармацыя аб інвестыцыйным клімаце, банкаўскай сістэме, лібералізацыі фінансавага заканадаўства Беларусі.

У час форуму плануецца падпісанне шэрага пагадненняў.

Люксембург - вядучы ў Еўропе і другі ў свеце пасля ЗША інвестыцыйны цэнтр. У краіне з насельніцтвам крыху больш як 500 тыс. чалавек налічваецца амаль 3,9 тыс. інвестфондаў і 143 банкі. Сукупны капітал люксембургскай фінансавай сістэмы складае больш як 740 млрд еўра.

Другім стратэгічным напрамкам развіцця Люксембурга з'яўляюцца ІТ-тэхналогіі. Краіна прэтэндуе на лідарства ў Трэцяй прамысловай рэвалюцыі, у аснове якой лічбавыя тэхналогіі. Зручнае геаграфічнае размяшчэнне Люксембурга дало магчымасць прыцягнуць германскія, французскія, бельгійскія і нідэрландскія кампаніі для ўдзелу ў рабоце форуму.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі