Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Галоўныя навіны

Галоўныя навіны

21 Жнв 2016

Беларускі барэц-вольнік Ібрагім Саідаў заваяваў бронзу Алімпіяды ў суперцяжкай вазе

Беларускі барэц-вольнік Ібрагім Саідаў заваяваў бронзу Алімпіяды ў суперцяжкай вазе

22 жніўня, Мінск /Кар. БЕЛТА/. Беларускі барэц вольнага стылю Ібрагім Саідаў заваяваў бронзавую ўзнагароду Алімпіяды-2016 у вагавой катэгорыі да 125 кг, паведамляе карэспандэнт БЕЛТА.

Ураджэнец расійскага Дагестана, які выступае за зборную Беларусі, Ібрагім Саідаў сустракаўся ў малым фінале з армянскім спартсменам Леванам Берыянідзэ. У вельмі вязкім паядынку сапернікі зрабілі няшмат рэзультатыўных дзеянняў. Першы бал зарабіў прадстаўнік Арменіі і ў выніку выйграў стартавы перыяд. Карціна процістаяння ў пачатку другога адрэзка часу не змянілася. У нейкі момант, усыпіўшы пільнасць саперніка, Саідаў правёў прыём, ацэнены ў два балы. Пагроза паражэння прымусіла актывізаваць Берыянідзэ, але з яго атакамі паспяхова спраўляўся беларускі барэц. За некалькі дзясяткаў секунд да канца армянскі спартсмен усё ж такі зраўнаваў лік, выштурхнуўшы Саідава за дыван, але па дадатковых паказчыках менавіта Ібрагім быў прызнаны пераможцам сустрэчы і атрымаў бронзу.

Беларускі барэц-вольнік Ібрагім Саідаў заваяваў бронзу Алімпіяды ў суперцяжкай вазеРаней на алімпійскім дыване Ібрагім Саідаў выйграў у 1/8 фіналу ў казахстанца Даўлета Шабанбая (7:0), але затым у чвэрцьфінале без варыянтаў уступіў дзеючаму чэмпіёну свету турку Таха Акгюлю (0:11). У далейшым той выйшаў у фінал, даўшы магчымасць Саідаву стаць удзельнікам суцяшальнага раўнда. На гэтай стадыі той узяў верх над манголам Чулуунбатам Жаргалсайханам (4:1), пасля чаго паспяхова правёў медальны паядынак.

Чэмпіёнам Гульняў-2016 сярод спартсменаў у суперцяжкай вазе стаў дзеючы чэмпіён свету турак Таха Акгюль, які ў фінале перамог іранца Комейла Немата Гасемі. Другую бронзу заваяваў грузінскі вольнік Гено Петрыяшвілі.Беларускі барэц-вольнік Ібрагім Саідаў заваяваў бронзу Алімпіяды ў суперцяжкай вазеУпершыню з 1996 года прадстаўнікі Беларусі на Алімпійскіх гульнях заваявалі тры ўзнагароды ў барцоўскім турніры. У Рыа акрамя Ібрагіма Саідава медалістамі таксама сталі барэц грэка-рымскага стылю Джавід Гамзатаў, які выйграў бронзу ў вагавой катэгорыі да 85 кг, і Марыя Мамашук, на рахунку якой серабро ў спаборніцтвах жанчын у вагавой катэгорыі да 63 кг.

Медаль Ібрагіма Саідава стаў сумарна дзявятым у скарбонцы беларускіх спартсменаў на Алімпіядзе ў Рыа-дэ-Жанэйра.Беларускі барэц-вольнік Ібрагім Саідаў заваяваў бронзу Алімпіяды ў суперцяжкай вазе

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс