У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Навіны чэмпіянату свету па хакеі-2014 у Мінску

Навіны чэмпіянату свету па хакеі-2014 у Мінску

11 Май 2014

Беларусы атрымалі валявую перамогу над хакеістамі Казахстана

Беларусы атрымалі валявую перамогу над хакеістамі Казахстана

11 мая, Мінск /Кар. БЕЛТА/. Хакеісты зборнай Беларусі атрымалі першую перамогу на мінскім чэмпіянаце свету, нягледзячы на тое, што прайгравалі па ходу сустрэчы Казахстану, перадае карэспандэнт БЕЛТА.

Беларусь - Казахстан - 4:1 (0:1, 2:0, 2:0).

"Мінск-Арэна". 13 734 гледачы.

Беларусь: Коваль; Корабаў - Грабарэнка, Сцяпанаў - Грабоўскі - Калюжны; Дзянісаў - Явенка, Плат - Стась - С.Касціцын; Стасенка - Готавец, Кальцоў - Кітараў - Кавыршын; Угараў - Волкаў - Ефіменка; Усенка, Осіпаў.

Казахстан: Ерамееў; Літвіненка - Далмэн, Старчанка - Краснаслабодцаў - Антропаў; Саўчанка - Лакіза, Упер - Пушкароў - Раманаў; Васільчанка - Казанцаў, Жайлаўоў - Палішчук - Гаўрылін; Сямёнаў - Блахін; Паньшын - Спірыдонаў - Рахманаў.

Шайбы: 0:1 - Гаўрылін (Васільчанка, 4.12), 1:1 - Сцяпанаў (Грабоўскі, 22.46), 2:1 - Стасенка (Сцяпанаў, Грабарэнка, 30.08), 3:1 - С.Касціцын (Ефіменка, 41.25, у меншасці), 4:1 - Калюжны (59.56, у пустыя вароты).

Кідкі: 23-16.

Штраф: 8-8.

Падапечныя Глена Хэнлана няўдала пачалі свой другі паядынак у папярэдняй групе В, хоць у пачатку стартавага перыяду сустрэчы з Казахстанам пастаянна атакавалі. Аднак сапернікі здолелі злавіць беларусаў на контратацы – на 5-й мінуце гульні сольны праход форварда казахстанскай дружыны Андрэя Гаўрыліна завяршыўся ўзяццем варот Віталя Коваля, які замяніў Андрэя Мезіна, прапусціўшага 6 шайб у першым матчы турніру ад амерыканцаў (1:6). Пасля гэтага беларусы прадаўжалі атакаваць, двойчы запар мелі колькасную перавагу, але так і не змаглі паразіць вароты выдатна гуляўшага галкіпера каманды Казахстана Віталя Ерамеева.

Адразу пасля першага перапынку гаспадары сусветнага першынства кінуліся адыгрывацца, і на 23-й мінуце сустрэчы Андрэй Сцяпанаў усё ж здолеў “размачыць”, здавалася б, непрабівальнага Віталя Ерамеева – 1:1. Закінутая шайба быццам бы прыбавіла сіл беларусам, і ў сярэдзіне другога перыяду вызначыўся Мікалай Стасенка, які далучыўся да атакі – 2:1. У дэбюце заключнай трэці паядынку беларускія хакеісты гулялі ў меншасці, але гэта не перашкодзіла Сяргею Касціцыну трэці раз паразіць вароты сапернікаў. Пасля гэтага казахстанскія хакеісты ўсімі сіламі спрабавалі адыграцца, але беларусы адказвалі контратакамі. У канцы матчу казахстанцы змянілі варатара шостым палявым іграком у надзеі закінуць шайбу, але вызначыўся капітан беларусаў Аляксей Калюжны, які паразіў пустыя вароты.

Свой наступны паядынак сусветнага першынства зборная Беларусі правядзе ў панядзелак, 12 мая, супраць каманды Швейцарыі, якая на старце ўступіла зборным Расіі (0:5) і ЗША (2:3).

Рэзультаты астатніх сённяшніх сустрэч:

Група А - Францыя - Італія - 1:2, Нарвегія - Данія - 4:3.

Група В - Германія - Латвія - 3:2.

У заключных сустрэчах сённяшняга гульнявога дня на лёдзе "Чыжоўка-Арэны" згуляюць каманды Швецыі і Чэхіі (група А), у "Мінск-Арэне" расіяне будуць сапернічаць з фінамі (група В).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс