31 мая, Мінск /Кар. БЕЛТА/. Савет Міжпарламенцкай асамблеі дзяржаў - удзельніц СНД узнагародзіў групу беларускіх дзяржаўных дзеячаў і кіраўнікоў, якія ўнеслі найбольшы ўклад у міжпарламенцкую дзейнасць Садружнасці. Уручэнне ўзнагарод адбылося сёння на пасяджэнні другой сесіі Савета Рэспублікі, перадае карэспандэнт БЕЛТА.
Старшыня Савета Рэспублікі Міхаіл Мясніковіч уручыў медаль "МПА СНД. 25 гадоў" кіраўніку Адміністрацыі Прэзідэнта, члену Савета Рэспублікі пятага склікання Наталлі Качанавай, старшыні Савета Рэспублікі чацвёртага склікання Барысу Батуру і старшыні Савета Рэспублікі чацвёртага і пятага скліканняў Анатолю Рубінаву за заслугі ў справе развіцця і ўмацавання парламентарызму, уклад у развіццё і ўдасканаленне прававых асноў функцыянавання СНД, умацаванне міжнародных сувязей і міжпарламенцкага супрацоўніцтва.
Памятным знакам "МПА СНД. 25 гадоў" за садзейнічанне ў дзейнасці асамблеі і яе органаў былі ўзнагароджаны міністр інфармацыі Лілія Ананіч і старшыня Нясвіжскага раённага выканаўчага камітэта Іван Крупко.