18 сакавіка, Мінск /Вольга Бяляўская - БЕЛТА/. Замежныя кампаніі выказваюць актыўную цікавасць да праектаў па распрацоўцы радовішчаў карысных выкапняў у Беларусі, паведаміў карэспандэнту БЕЛТА міністр прыродных рэсурсаў і аховы навакольнага асяроддзя Уладзімір Цалко.
Міністр нагадаў, што ў сакавіку Беларусь аб'явіла міжнародныя конкурсы па выбары інвестараў для распрацоўкі Сітніцкага радовішча будаўнічага каменю і будаўніцтва на яго базе горна-абагачальнага камбіната, а таксама ўзвядзення горна-абагачальнага камбіната па вытворчасці металізаваных акатышаў на Аколаўскім радовішчы жалезных руд. У бліжэйшы час будуць таксама аб'яўлены тэндары па радовішчах бурых вуглёў і гаручых сланцаў.
"Да праектаў ужо выказваюць актыўную цікавасць інвестары, у тым ліку з Кітая, Польшчы і іншых краін, - адзначыў Уладзімір Цалко. - Называць гэтыя кампаніі пакуль рана, пераможцы будуць вызначаны толькі пасля завяршэння конкурсаў".
Кіраўнік Мінпрыроды дадаў, што Беларусь плануе прыцягнуць да праектаў буйных інвестараў, якія маглі б забяспечыць пры распрацоўцы радовішчаў і будаўніцтве горна-абагачальных камбінатаў выкарыстанне самых сучасных тэхналогій.
Інфармацыя аб конкурсах размешчана на сайце Міністэрства прыродных рэсурсаў і аховы навакольнага асяроддзя.
Пн | Аўт | Сер | Чцв | Пт | Сб | Нядз |
---|