Бізнес-навіны

11 верасня, Мінск /Кар. БЕЛТА/. Віцэ-прэзідэнт Сусветнага банка па рэгіёне Еўропы і Цэнтральнай Азіі Лора Так наведае Беларусь 15-17 верасня. Аб гэтым БЕЛТА паведамілі ў прадстаўніцтве СБ у Беларусі.

Віцэ-прэзідэнт Сусветнага банка мае намер абмеркаваць ключавыя прыярытэты краіны ў кантэксце супрацоўніцтва згодна са стратэгіяй партнёрства групы Сусветнага банка для Беларусі. "У ходзе візіту запланаваны сустрэчы з кіраўніцтвам Беларусі, прадстаўнікамі дзелавых колаў, грамадзянскай супольнасці, а таксама з партнёрамі ў галіне развіцця. Акрамя таго, Лора Так плануе наведаць шэраг прадпрыемстваў, якія прадстаўляюць інжынерна-вытворчы патэнцыял краіны, і некалькі аб'ектаў, прафінансаваных пазыкамі Сусветнага банка", - праінфармавалі ў прадстаўніцтве СБ у Беларусі.

Лора Так упершыню з моманту ўступлення на пасаду ў верасні 2013 года наведае Беларусь з афіцыйным візітам. У ім таксама прымуць удзел дырэктар аддзела Беларусі, Малдовы і Украіны Чымяа Фан і група экспертаў Сусветнага банка.