Бізнес-навіны

"Уралкалій" з 2012 года адмовіцца ад супрацоўніцтва з МКК на карысць Беларускай калійнай кампаніі

24 чэрвеня, Мінск /Ганна Кот - БЕЛТА/. ААТ "Уралкалій" з 2012 года адмовіцца ад супрацоўніцтва з ЗАТ "Міжнародная калійная кампанія" на карысць ЗАТ "Беларуская калійная кампанія", паведамілі карэспандэнту БЕЛТА ў прэс-службе "Уралкалія".

Такім чынам, кампанія змяняе парадак узаемадзеяння з ЗАТ "Міжнародная калійная кампанія" па пастаўцы прадукцыі ААТ "Уралкалій" на экспарт. Згодна з дамоўленасцямі, супрацоўніцтва з ЗАТ "Міжнародная калійная кампанія" прадоўжыцца да 31 снежня 2011 года (згодна з ранейшымі дамоўленасцямі - да 31 снежня 2012 года).Такім чынам, узаемадзеянне паміж бакамі будзе скарочана на адзін год.

"З 1 студзеня 2012 года экспарт прадукцыі ААТ "Уралкалій" плануецца ажыццяўляць праз ЗАТ "Беларуская калійная кампанія", створанае на парытэтнай аснове з ААТ "Беларуськалій" і паспяхова рэалізуючае на экспарт прадукцыю расійскага і беларускага вытворцаў з 2005 года", - адзначылі ў прэс-службе "Уралкалія".

У Беларускай калійнай кампаніі карэспандэнту БЕЛТА пацвердзілі гатоўнасць прадаўжаць экспарт прадукцыі ААТ "Уралкалій" пасля змянення ўмоў яго ўзаемадзеяння з МКК.

ААТ "Уралкалій" (Расія) - адзін з буйнейшых у свеце вытворцаў калійных угнаенняў з доляй рынку 20 працэнтаў.

ЗАТ "Беларуская калійная кампанія" створана ў 2005 годзе. Акцыянерамі кампаніі з'яўляюцца "Беларуськалій" (45 працэнтаў), "Уралкалій" (50 працэнтаў) і Беларуская чыгунка (5 працэнтаў). Кампанія з'яўляецца эксклюзіўным экспарцёрам калійных угнаенняў вытворчасці ААТ "Беларуськалій" і ААТ "Уралкалій".

версія для друку

зрабіць стартавай

дабавіць у выбранае