17 мая, Мінск /Кар. БЕЛТА/. Савету Міністраў Беларусі прадастаўлена права ў 2010-2011 гадах выпусціць аблігацыі на суму да $2 млрд. з тэрмінам абарачэння не менш як 5 гадоў і размяшчэннем іх за межамі краіны. Гэта прадугледжана Указам нумар 245 ад 13 мая 2010 года, тэкст якога размешчаны на сайце Нацыянальнага цэнтра прававой інфармацыі, паведамляе карэспандэнт БЕЛТА.
Указ прыняты ў мэтах прыцягнення замежных інвестыцый у эканоміку рэспублікі. Урад надзелены паўнамоцтвамі адабраць праспект эмісіі кожнага выпуску аблігацый у межах агульнай сумы $2 млрд. і дагаворы, звязаныя з выпускам, размяшчэннем, абарачэннем і пагашэннем гэтых аблігацый, іншымі паўнамоцтвамі, звязанымі з размяшчэннем і пагашэннем аблігацый.
У адпаведнасці з дакументам замежныя арганізатары размяшчэння беларускіх аблігацый вызвалены ад выплаты падатку на даходы. Гэты падатак не будзе выплачвацца і з даходаў, атрыманых ад аказання паслуг, звязаных з выпускам, размяшчэннем, абарачэннем і пагашэннем аблігацый, а таксама з улікам правоў на іх. Выплата камісій, узнагароджанняў і іншых расходаў, звязаных з выпускам, размяшчэннем, абарачэннем і пагашэннем аблігацый, праводзіцца за кошт сродкаў, прадугледжаных у рэспубліканскім бюджэце для абслугоўвання знешняга дзяржаўнага доўгу.
Ва ўказе прапісана права "замацоўваць (пры неабходнасці) у дагаворах і іншых дакументах, звязаных з выпускам аблігацый... іх размяшчэннем, абарачэннем і пагашэннем, адмову Рэспублікі Беларусь ад імунітэтаў па спрэчках, звязаных з выпускам, размяшчэннем, абарачэннем і пагашэннем гэтых аблігацый". Адобрана павелічэнне ліміту дзярждоўгу Беларусі на $1,5 млрд. да $11 млрд. на канец 2010 года.-0-
Пн | Аўт | Сер | Чцв | Пт | Сб | Нядз |
---|