18 снежня, Мінск /Кар. БЕЛТА/. У студзені 2015 года ў французскім горадзе Туркуэн пройдзе прэзентацыя магчымасцей гандлёва-эканамічнага супрацоўніцтва з Беларуссю для дзелавых колаў горада і рэгіёна Нор-Па-дэ-Кале. Аб гэтым БЕЛТА паведамілі ў прэс-службе МЗС Беларусі.
Дамоўленасць дасягнута ў час сустрэчы ў пасольстве ў Парыжы Надзвычайнага і Паўнамоцнага Пасла Беларусі ў Францыі Паўла Латушкі з кіраўнікамі групы дружбы "Францыя-Беларусь" Нацыянальнай асамблеі Францыі, а таксама з кіраўніцтвам горада Туркуэн. Акрамя таго, на сустрэчы абмеркавана правядзенне ў мэрыі горада Туркуэн выстаўкі работ выхаванцаў Ждановіцкай школы-інтэрната для дзяцей з парушэннем слыху.
Бакі таксама разгледзелі тэму ўзаемадзеяння групы дружбы "Францыя-Беларусь" у Нацыянальнай асамблеі Францыі з рабочай групай па супрацоўніцтве з Францыяй у Нацыянальным сходзе Беларусі.
Пн | Аўт | Сер | Чцв | Пт | Сб | Нядз |
---|