Бізнес-навіны

У Беларусі прамыя замежныя інвестыцыі на чыстай аснове за студзень-люты склалі $140,5 млн.

26 сакавіка, Мінск /Кар. БЕЛТА/. У Беларусі прамыя замежныя інвестыцыі на чыстай аснове (без уліку запазычанасці прамому інвестару за тавары, работы, паслугі) за студзень-люты 2012 года склалі $140,5 млн. Аб гэтым паведамілі БЕЛТА ў Міністэрстве эканомікі, каменціруючы вынікі выканання важнейшых параметраў прагнозу сацыяльна-эканамічнага развіцця Беларусі за два месяцы 2012 года.

На 2012 год устаноўлены прагноз па прыцягненню прамых замежных інвестыцый на чыстай аснове на ўзроўні $1,2 млрд. Такім чынам, выкананне прагнозу склала 11,7 працэнта. Прычым галоўным чынам гэты вынік дасягнуты за кошт арганізацый без ведамаснай падпарадкаванасці (83,7 працэнта ад агульнага аб'ёму), адзначылі ў Мінэканомікі.

Асноўныя паступленні прамых замежных інвестыцый на чыстай аснове зафіксаваны ў такіх відах эканамічнай дзейнасці: гандаль; рамонт аўтамабіляў, бытавых вырабаў і прадметаў асабістага карыстання ($26,6 млн., або 25,8 працэнта гадавога задання), вытворчасць машын і абсталявання ($17 млн., або 25 працэнтаў), апрацоўка драўніны і вытворчасць вырабаў з дрэва ($15,8 млн., або 27,2 працэнта), сувязь ($14,2 млн., або 38,4 працэнта), вытворчасць харчовых прадуктаў, уключаючы напіткі, і тытуню ($12,7 млн., або 42,3 працэнта ад задання канцэрну "Белдзяржхарчпрам"), вытворчасць электраабсталявання, электроннага і аптычнага абсталявання ($10,2 млн., або 31,9 працэнта).

У Мінэканомікі таксама адзначылі, што ўдзельная вага інвестыцый у машыны, абсталяванне, транспартныя сродкі ў агульным аб'ёме інвестыцый у асноўны капітал у студзені-лютым 2012 года складваецца вышэй за прагнозную - 42,9 працэнта (пры прагнозе 42 працэнты). Пры гэтым зніжэнне аб'ёмаў інвесціравання ў актыўную частку асноўных сродкаў (87,7 працэнта да студзеня-лютага 2011 года) адбываецца больш павольнымі тэмпамі ў параўнанні са зніжэннем аб'ёмаў будаўніча-мантажных работ (84,5 працэнта).

У міністэрстве пракаменціравалі і некаторыя іншыя якасныя паказчыкі развіцця эканомікі за два месяцы. Так, у студзені-лютым 2012 года ўдзельная вага адгружанай інавацыйнай прадукцыі ў агульным аб'ёме адгружанай прадукцыі склала 19,2 працэнта пры прагнозе на год 13,5-14,5 працэнта. Перавышэнне прагнозных значэнняў галоўным чынам забяспечана за кошт апераджальных вынікаў, дасягнутых у падсекцыях "Металургічная вытворчасць і вытворчасць гатовых металічных вырабаў" (22,4 працэнта пры прагнозе 20 працэнтаў), "Вытворчасць машын і абсталявання" (45,9 працэнта і 35 працэнтаў), "Вытворчасць электраабсталявання, электроннага і аптычнага абсталявання" (25,3 працэнта і 24 працэнты), "Вытворчасць харчовых прадуктаў, уключаючы напіткі, і тытуню" (6 працэнтаў і 4 працэнты), "Вытворчасць коксу, нафтапрадуктаў і ядзерных матэрыялаў" (37,1 працэнта і 14,5 працэнта), "Хімічная вытворчасць" (8,9 працэнта і 7,0 працэнта).

Паводле даных гандлёвага балансу, у студзені 2012 года сфарміравалася дадатнае сальда знешняга гандлю таварамі ў памеры $126,1 млн. Асноўнай крыніцай яго фарміравання з'яўляецца істотнае зніжэнне велічыні адмоўнага сальда знешняга гандлю прамежкавымі таварамі (энерганосьбіты, сыравіна, матэрыялы і камплектуючыя). Сітуацыя ў знешнім гандлі нафтай і нафтапрадуктамі абумовіла велічыню суадносін экспарту тавараў і аб'ёмаў прамысловай вытворчасці ў цэлым па рэспубліцы на ўзроўні 58,9 працэнта. Згодна з прагнозам на 2012 год, гэтыя суадносіны павінны быць на ўзроўні 65 працэнтаў і 35 працэнтаў. Акрамя канцэрна "Белнафтахім" дасягненне ўстаноўленага значэння па суадносінах экспарту і прамысловай вытворчасці ніводным з міністэрстваў і канцэрнаў не забяспечана, адзначылі ў Мінэканомікі.

Да ўзроўню студзеня 2011 года з разліку ў бягучых цэнах тэмп росту экспарту тавараў і паслуг, паводле даных плацежнага балансу, склаў 174,2 працэнта, імпарту - 129,9 працэнта, сальда знешняга гандлю таварамі і паслугамі дадатнае і склала $315,3 млн. У выніку суадносіны сальда знешняга гандлю таварамі і паслугамі і ВУП выраслі да 7,7 працэнта (прагноз на 2012 год - 2,3-2,7 працэнта). У той час як у студзені 2011 года суадносіны былі адмоўныя - мінус 11,6 працэнта ВУП пры адмоўным сальда $495 млн.

Энергаёмістасць ВУП за студзень 2012 года ў параўнанні са студзенем 2011 года павялічылася на 14,9 працэнта пры прагнозе зніжэння на 3-4 працэнты. Гэта звязана з ростам у параўнанні са студзенем 2011 года ў 9 разоў імпартуемага паліва, выкарыстанага на вытворчасць няпаліўнай прадукцыі, пракаменціравалі гэты факт у міністэрстве.

версія для друку

зрабіць стартавай

дабавіць у выбранае