3 кастрычніка, Мінск /Кар. БЕЛТА/. Турыстычны інфармацыйны цэнтр Беларусі адкрыецца ў Туркменістане. Аб гэтым карэспандэнту БЕЛТА паведамілі ў Нацыянальным агенцтве па турызме Беларусі.
Дагавор аб стварэнні цэнтра падпісалі прадстаўнікі Нацыянальнага агенцтва па турызме і Беларуска-туркменістанскага гандлёвага дома, на базе якога ў Ашхабадзе ён будзе адкрыты.
Заключэнне дагавора стала адным з мерапрыемстваў азнаямленчага тура прадстаўнікоў турыстычнай індустрыі Беларусі ў Туркменістан 23 верасня - 1 кастрычніка, арганізаванага Дзяржаўным камітэтам па турызме гэтай краіны.
У час візіту беларуская дэлегацыя прыняла ўдзел у міжнароднай выстаўцы і турыстычнай канферэнцыі "Турызм і падарожжа" ў нацыянальнай турыстычнай зоне "Аваза". Як растлумачылі ў НАТ, у час мерапрыемства быў прадстаўлены нацыянальны стэнд Беларусі і прэзентаваны даклады аб турыстычным патэнцыяле краіны.
Пн | Аўт | Сер | Чцв | Пт | Сб | Нядз |
---|