19 лістапада, Мінск /Кар. БЕЛТА/. Мінскае аддзяленне Беларускай гандлёва-прамысловай палаты арганізуе спецыялізаваны дзелавы візіт "Транспарт і лагістыка" ў Варшаву, які адбудзецца 26-29 лістапада. Аб гэтым паведамілі БЕЛТА ў сталічным аддзяленні БелГПП.
Мэтай бізнес-паездкі, паводле слоў яе арганізатараў, з'яўляецца павышэнне кваліфікацыі кадраў пры практычным вывучэнні сучасных і перспектыўных тэндэнцый развіцця транспартнай галіны на рэальных прыкладах, абмен вопытам з калегамі з замежных краін, устанаўленне прамых дзелавых кантактаў з польскімі прадпрыемствамі.
Праграмай візіту запланавана правядзенне дзелавых сустрэч па пытаннях новых тэндэнцый у сферы транспарту і лагістыкі, наведванне і азнаямленне з работай польскіх прадпрыемстваў у адпаведнасці з профілем беларускіх удзельнікаў, а таксама наведванне Міжнароднай выстаўкі транспарту і лагістыкі Trans Poland.
Дзелавая паездка прадстаўнікоў беларускіх прадпрыемстваў і кампаній арганізоўваецца Мінскім аддзяленнем БелГПП і Польска-беларускай гандлёва-прамысловай палатай.
Пн | Аўт | Сер | Чцв | Пт | Сб | Нядз |
---|