Бізнес-навіны

29 верасня, Мінск /Кар. БЕЛТА/. Сродкі расійскага крэдыту ў эквіваленце $1 млрд 550 млн паступілі на рахунак Міністэрства фінансаў, паведамілі карэспандэнту БЕЛТА ў Мінфіне.

"29 верасня на рахунак Міністэрства фінансаў паступілі сродкі дзяржаўнага фінансавага крэдыту Расійскай Федэрацыі ў суме, эквівалентнай $1 млрд 550 млн, у адпаведнасці з пагадненнем паміж урадам Рэспублікі Беларусь і ўрадам Расійскай Федэрацыі аб прадастаўленні ўраду Беларусі дзяржаўнага фінансавага крэдыту, заключаным 24 верасня", - сказалі ў ведамстве.

Як паведамлялася раней, пагадненнем прадугледжана выдзяленне фінансавых рэсурсаў у расійскіх рублях тэрмінам на 15 гадоў, уключаючы 5-гадовы льготны перыяд.

Мэта гэтага крэдыту - пагашэнне і абслугоўванне дзярждоўгу і папаўненне золатавалютных рэзерваў Беларусі. Умовай яго прадастаўлення з'яўляецца выплата беларускім бокам працэнтаў і пагашэнне асноўнага доўгу па раней прадастаўленых яму дзяржкрэдыце, а таксама крэдытах Антыкрызіснага фонду Еўразійскага эканамічнага супольніцтва.

З улікам атрыманага 9 ліпеня бягучага года дзяржаўнага фінансавага крэдыту Расійскай Федэрацыі ў памеры $450 млн аб'ём крэдытнай падтрымкі Рэспублікі Беларусь (на нязвязанай аснове і па лініі ўрада Расійскай Федэрацыі) у бягучым годзе складзе $2 млрд.