Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

8 Dec 2009

Сфера прымянення спрошчанай сістэмы падаткаабкладання ў Беларусі пашыраецца

7 снежня, Мінск /Кар. БЕЛТА/. Сфера прымянення спрошчанай сістэмы падаткаабкладання ў Беларусі пашыраецца. Прэзідэнт Беларусі Аляксандр Лукашэнка 7 снежня выдаў Указ нумар 592 "Аб унясенні дапаўненняў і змяненняў ва Указ Прэзідэнта Рэспублікі Беларусь ад 9 сакавіка 2007 года нумар 119", накіраваны на далейшае павышэнне прывабнасці спрошчанай сістэмы падаткаабкладання. Аб гэтым БЕЛТА паведамілі ў прэс-службе кіраўніка дзяржавы.

Указам прадугледжваецца павелічэнне крытэрыю колькасці работнікаў арганізацый рознічнага гандлю і арганізацый, што аказваюць паслугі грамадскага харчавання, валавая выручка якіх не перавышае Br1 млрд. у год, з 5 да 15 чалавек. Гэтым арганізацыям прадастаўлена права выплачваць падатак пры спрошчанай сістэме падаткаабкладання ад валавога даходу, што будзе садзейнічаць зніжэнню падатковай нагрузкі і стымуляваць развіццё гэтых арганізацый.

У мэтах стварэння ўмоў для павелічэння экспарту тавараў суб'ектамі малога прадпрымальніцтва, якія прымяняюць спрошчаную сістэму падаткаабкладання, указам устаноўлена паніжаная стаўка падатку пры спрошчанай сістэме падаткаабкладання ў памеры 3 працэнты ад экспартнай выручкі, атрыманай гэтымі суб'ектамі прадпрымальніцтва.

Акрамя таго, указ забяспечвае стварэнне роўных умоў падаткаабкладання камерцыйных арганізацый і рэспубліканскіх аб'яднанняў, якія прымяняюць спрошчаную сістэму падаткаабкладання. Такія аб'яднанні, як камерцыйныя арганізацыі, пры прымяненні спрошчанай сістэмы не будуць выплачваць падатак на нерухомую маёмасць і плацяжы на зямлю.

Указ уступае ў сілу з дня яго афіцыйнага апублікавання і распаўсюджвае сваё дзеянне на адносіны, якія ўзніклі з 1 кастрычніка 2009 года.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі