Бізнес-навіны

Сальда знешняга гандлю Беларусі за два месяцы склалася дадатным на ўзроўні $750 млн.

5 красавіка, Мінск /Аліна Грышкевіч - БЕЛТА/. Сальда знешняга гандлю таварамі і паслугамі Беларусі за два месяцы бягучага года склалася дадатнае на ўзроўні $750 млн., што складае 50 працэнтаў ад устаноўленага на 2012 год паказчыка прагнозу ($1,5 млрд.). Аб гэтым паведаміў сёння на брыфінгу начальнік упраўлення інфармацыі - прэс-сакратар МЗС Беларусі Андрэй Савіных, перадае карэспандэнт БЕЛТА.

У студзені-лютым 2012 года дасягнуты рэкордна высокія, апераджальныя тэмпы росту імпарту (111 працэнтаў), тэмпы росту экспарту тавараў і паслуг - 154 працэнты. У параўнанні са студзенем-лютым 2011 года сальда палепшылася на $2,1 млрд. як у гандлі таварамі, так і паслугамі.

Экспарт тавараў павялічыўся на $2,8 млрд., або на 62,5 працэнта (склаў $7,3 млрд.).

Прырост экспарту забяспечаны па ўсіх узбуйненых таварных групах, у першую чаргу за кошт істотнага росту фізічных аб'ёмаў продажаў (на 78,3 працэнта ў студзені), які значна апярэджвае рост экспартных цэн (у сярэднім 7,2 працэнта).

Істотна павялічыліся аб'ёмы экспарту нафты і нафтапрадуктаў (на $1,7 млрд.), матэрыялаў змазачных (на $202 млн.), аўтамабіляў грузавых (на $92 млн.), трактароў і седлавых цягачоў (на $44 млн.), сельскагаспадарчых машын (на $27 млн.), шын (на $24 млн.).

Прырост экспарту ў краіны ЕС склаў $2,2 млрд., у Расію - $360 млн., у іншыя краіны СНД - $340 млн., у краіны Азіі і Афрыкі - $1,1 млн. Адзначаецца спад экспарту на рынак Амерыкі - на $134,6 млн. (абумоўлена зніжэннем аб'ёмаў паставак калійных угнаенняў у Бразілію на $117,9 млн. і Калумбію на $25,6 млн.).

Імпарт тавараў вырас на $577 млн., або на 9,1 працэнта (склаў $6,9 млрд.) і выкліканы ў асноўным ростам закупак сыравіны, матэрыялаў і камплектуючых для забеспячэння тэмпаў вытворчасці прамысловай прадукцыі.

Скараціліся імпартныя закупкі спажывецкіх тавараў (на $275 млн.), у асноўным у выніку змяншэння ўвозу легкавых аўтамабіляў (на $197 млн.).

Сальда ў знешнім гандлі таварамі склалася дадатным у памеры $387 млн. Дадатнае сальда дасягнута практычна па ўсіх узбуйненых таварных групах, у тым ліку ўпершыню па нехарчовых таварах.

версія для друку

зрабіць стартавай

дабавіць у выбранае