Бізнес-навіны
Расійскія кампаніі прэтэндуюць на куплю дзярждолі СТАА "МТС"
11 чэрвеня, Мінск /Кар. БЕЛТА/. Расійскія кампаніі прэтэндуюць на куплю дзярждолі СТАА "МТС", паведаміў сёння журналістам Надзвычайны і Паўнамоцны Пасол Расійскай Федэрацыі ў Рэспубліцы Беларусь Аляксандр Сурыкаў, перадае карэспандэнт БЕЛТА.
"Прадаўжаецца работа па МТС, і нашы кампаніі прымаюць удзел. Ацэнка там зніжана. Гэта, недзе
$863 млн. Нашы кампаніі на гэта прэтэндуюць", - сказаў дыпламат.Было прызнана, што конкурсны адбор патэнцыяльных пакупнікоў дзяржаўнай долі (51 працэнт) у СТАА "МТС", праведзены 6 лютага бягучага года, не адбыўся з-за адсутнасці заяў ад інвестараў. У конкурсе маглі ўдзельнічаць як рэзідэнты, так і нерэзідэнты Беларусі.
Раней расійскае ААТ "МТС" было гатова набыць дзярждолю Беларусі за
$450-500 млн, у то час як у снежні 2013 года паведамлялася аб пачатковай цане ў памеры $863 млн. Раней пачатковая цана продажу дзяржпакета долі беларускага аператара МТС складала $1 млрд. Першая ацэнка праводзілася ў 2010 годзе. Дзярждоля СТАА "МТС" неаднаразова выстаўлялася на аўкцыёны з 2011 года, але не была прададзена.Умовай продажу было патрабаванне аб захаванні працэнта ахопу тэрыторыі Беларусі паслугамі рухомай электрасувязі не ніжэй за ўзровень, зафіксаваны ў дзяржаўнай статыстычнай справаздачнасці за апошні справаздачны перыяд (які папярэднічаў заключэнню дагавора куплі-продажу долі прадпрыемства).
Продаж існуючай у рэспубліканскай уласнасці і гаспадарчым веданні РУП "Белтэлекам" долі ў статутным фондзе СТАА "МТС" ажыццяўляецца па рашэнні Прэзідэнта Беларусі.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
