8 кастрычніка, Мінск /Кар. БЕЛТА/. Беларуска-туркменская выстаўка-кірмаш тавараў пройдзе ў спартыўным комплексе "Чыжоўка-Арэна" 9-12 кастрычніка, паведамілі карэспандэнту БЕЛТА арганізатары.
У выстаўцы прымуць удзел падведамныя арганізацыі Міністэрства прамысловасці, канцэрнаў "Беллегпрам", "Белдзяржхарчпрам", дзяржаўнага вытворча-гандлёвага аб'яднання "Белмастацпромыслы". Туркменская частка экспазіцыі будзе прадстаўлена нехарчовымі таварамі (тэкстыль, прамтавары) і прадуктамі харчавання (таматы, сыр, брынза і іншымі).
Чакаецца, што выстаўку наведае дэлегацыя на чале з Прэзідэнтам Туркменістана Гурбангулы Бердымухамедавым, які знаходзіцца ў Беларусі з афіцыйным візітам, а таксама высокае беларускае кіраўніцтва.
Арганізатарамі выстаўкі выступілі Міністэрства гандлю Беларусі, Беларуская гандлёва-прамысловая палата ў асобе ўнітарнага прадпрыемства "Белінтэрэкспа".
Пн | Аўт | Сер | Чцв | Пт | Сб | Нядз |
---|