Бізнес-навіны
Прадпрыемствы Беларусі і Францыі плануюць супрацоўнічаць у галіне вытворчасці і перапрацоўкі лёну
27 лістапада, Мінск /Кар. БЕЛТА/. Прадпрыемствы Беларусі і Францыі плануюць супрацоўнічаць у галіне вытворчасці і перапрацоўкі лёну, паведамілі БЕЛТА ў прэс-службе Міністэрства замежных спраў Беларусі.
"Сёння адбылася сустрэча беларускай дэлегацыі ў Міністэрстве сельскай гаспадаркі Францыі, на якой былі абмеркаваны магчымасці супрацоўніцтва беларускіх і французскіх прадпрыемстваў у галіне перапрацоўкі і вытворчасці лёну", - сказалі ў прэс-службе. У час візіту ў Францыю адбылося таксама наведванне беларускай дэлегацыяй Асацыяцыі вытворцаў лёну TERRE DE LIN, якая аб'ядноўвае 600 французскіх прадпрыемстваў. Бакі дасягнулі дамоўленасці наконт абмену вопытам у вытворчасці насення, перапрацоўцы льновалакна і прымяненні французскіх сартоў лёну і тэхналогій перапрацоўкі лёну ў Беларусі.
Беларуская дэлегацыя знаходзілася ў Францыі 25-27 лістапада ў мэтах вывучэння вопыту вырошчвання і перапрацоўкі лёну. У склад дэлегацыі ўвайшлі прадстаўнікі Міністэрства сельскай гаспадаркі, канцэрна "Беллегпрам", РА "Белаграсэрвіс", РУП "Інстытут лёну", РУВГП "Аршанскі льнокамбінат" і Цэнтра выпрабаванняў і сертыфікацыі ТААТ.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
