Бізнес-навіны

Уладзімір Сізоў нагадаў, што работа па арганізацыі паставак беларускіх нафтапрадуктаў у Расію пачалася з 2010 года. Інтарэс беларускага боку да расійскага рынку павялічваецца па меры яго актыўнага развіцця. "Паступова з'яўляюцца сігналы, што ў некаторыя перыяды ён бывае дэфіцытным па высакаякасным аўтамабільным бензіне, і беларускія нафтаперапрацоўчыя заводы гатовы насыціць гэты рынак", - сказаў выконваючы абавязкі намесніка старшыні.

Паводле яго ацэнкі, да ўсё больш актыўных паставак беларускіх нафтапрадуктаў на рынак Расіі і ў цэлым на рынак Мытнага саюза падштурхоўваюць інтэграцыйныя працэсы. Стварэнне агульнага рынку Беларусі, Расіі і Казахстана, распрацоўка дагавора аб Еўразійскім эканамічным саюзе з улікам перспектыў далучэння да яго новых краін, распрацоўка тэхнічных рэгламентаў, якія адпавядаюць еўрапейскім нормам якасці, - гэта асноўныя тэндэнцыі, якія бяруцца пад увагу беларускай нафтаперапрацоўчай галіной.

Прадстаўнік "Белнафтахіма" таксама расказаў, што цяпер прапрацоўваюцца магчымасці размяшчэння на ўнутраным рынку і беларускіх цёмных нафтапрадуктаў, паступовы адыход ад вытворчасці мазуту на айчынных НПЗ. Прычынай такіх дзеянняў з'яўляецца рашэнне расійскага ўрада ўстанавіць на гэту прадукцыю мытныя пошліны, роўныя пошлінам на нафту. "Ёсць пастанова ўрада Расіі, якая анансуе гэта рашэнне, але пакуль што канчатковага рашэння няма, паколькі ідзе работа з улікам няпоўнай гатоўнасці расійскіх НПЗ да таго, каб забяспечваць адпаведнае пераключэнне таварных патокаў і каб пазбегнуць стратнасці", - удакладніў Уладзімір Сізоў.

Цёмныя нафтапрадукты, галоўным чынам мазут, плануецца выкарыстоўваць для патрэб беларускай энергетыкі. Акрамя таго, у выніку рэалізацыі праграмы мадэрнізацыі беларускія НПЗ пачнуць вытворчасць нафтавага коксу для патрэб цэментнай галіны краіны.