18 ліпеня, Санкт-Пецярбург /Кар. БЕЛТА/. Па выніках VI Форуму рэгіёнаў Беларусі і Расіі ў Санкт-Пецярбургу будзе заключана кантрактаў на суму не менш як $550 млн. Аб гэтым сёння журналістам паведаміў старшыня Савета Рэспублікі Міхаіл Мясніковіч, перадае карэспандэнт БЕЛТА.
"Камерцыйных кантрактаў будзе заключана на суму не менш, чым $550 млн. Гэта сапраўды сур'ёзны ўклад", - адзначыў Міхаіл Мясніковіч.
Акрамя таго, у час форуму падпісана 84 пагадненні аб супрацоўніцтве, у тым ліку ў гуманітарнай сферы.
Беларускі бок, падкрэсліў Міхаіл Мясніковіч, задаволены вынікамі. "Мы сапраўды набылі даволі шмат", - дадаў старшыня Савета Рэспублікі.